لسه بشوفك - حسن الذاكي

لسه بشوفك
..........
لسه بشوفك في زحمة الشوارع
وفي وجوه البشر
لسه برسم صورتك علي ورق الشجر
لسه بشوفك في وشوش الناس المسافره
واللي راجعه من السفر
وفي وش اللي خان واللي وفا واللي غدر
واللي سهران الليالي يعد النجوم و يناجي القمر
وفي عيون اللي حبيبه سابه بدون اعذار وهجر
واللي علي مر البعد والفراق صبر
لسه ساكنه جوه قلبي وفي حشايا
لسه عايشه معايا
وان حاولت انساكي
القي طيفك حوليا حضر
لسه صابر علي حكم القدر
وعايش علي الذكري
ورده في كتاب وحبة صور
........................
بقلمي _ حسن الذاكي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر