مغز ابره

ياليل يوم انك عزفت التقاسيم
‎ماشفت في حال الموالين دبره

له في جبين الليل .. بانت تعاليم
‎وسمعت لشفاه المحبين .. نبره

ولا عاد في صدري سعه : للمقاديم
‎الأ مغزّ الخيط .. في ثقب الابره

منوّل اوصف لك دواها .. ليا سيم
‎واليوم مالي في دوى الجرح ، خبره

تخلبطت عندي جميع المفاهيم
‎والكتف ما فيها كما العام .. هبره

والارض ضاقت بي … علي الملازيم
‎وانا عليها حاسد اللي بقبره

مدري متى نلقى للاوضاع ترميم
‎ونعدّل اللي ساسها … مالء جدره

عشان تبقا … واضحات المراسيم
‎وناخذ من اضروف المشاكيل عبره

‫طابت مسارينا وحنا معازيم‬
‎ويقنت ماللجرح ياكود صدره

واطلعتكم على جميع التعاميم
‎اربّكم تلقون للكسر جبره

وامنّت باللي سلّم الامر تسليم
‎بان الحكي مافاد لو سال حبره

#فهد_المنصوري
_____________