تعرف تمسك نفسك زيى؟ - ريمون سليمان

تعرف تمسك نفسك زيى؟
عارف إن سؤالي عجيب

يطلع مني حتى ده عيب
مانا عودتك إني الأهبل

بجري عليك كده زي الأهطل
أفرح أزعل أجري عليك

بصراحتي أدلدق زي الجردل
اضحك عادي ماتكتمهاش

بُكره هتضحك أكتر وأكتر
وخليك فاكر وماتنساش

ضحك الأخر هو الأكتر
عادي عاملني بكل برود

أدبح وأخنق قد ما تقدر
بدل الحد إترسها حدود

وإرجع قولي إن إنت بتخسر
حلوة لعبة التطنيش

عايز ألعبها يمكن أكسب
وآتأسف بعد التلطيش

أصل اللزقة لا يمكن تهرب
برافو إنت حقيقي قدرت

توصل بيّ لحد آخرها
أتمنى تكون مبسوط وإرتحت

تعيش وتكسر خيرها ف غيرها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر