ماخذينا امن الزمن غير التجني

لـ عبدالرحمن ناهي، ، في المجالس والقهوه، 34، آخر تحديث

ماخذينا امن الزمن غير التجني - عبدالرحمن ناهي

يافهد بعّد ثقيل النفس عنّي
مانبي منه سلام ولاتحية
دون هقوات الرجال ودون ظني
وان يغيب العمر كله ماعليّه
ليتها الدنيا تجينا بالتمني
كان ابطلب منك يالغالي امنيه
ودني جوّ ن نواويره تثني
بالنفل والشيح وازهار زكيه
والطلح كنه مشاريع ن اتْبَنّي
يشبه احصون اليهود الخيبرية
والغيوم اخيلها بالقرب مني
كنّها حولي واداعبها بديّه
لا هوصيب ولاهطال مايََوَنّي
ديمةٍ تنعش نسايمها عذيه
حولنا الغدران وام سالم تغني
والسمر فوقه ادلال شاذليه
في ديار اخلي من انسٍ وجني
غير راعي ذود ليت يكون ليّه
ودي اقضي باقي العمر امْتَهني
دام حلو اعمارنا راحت هبيه
ماخذينا امن الزمن غير التجني
لا اهتمام ولا احترام ولاهوية
عبدالرحمن الناهي
© 2024 - موقع الشعر