قربت من غض النهد - عبدالعزيز بن احمد الزيد

قربت من عض المهد كاشف غطاه
براق ضيٍ مثل لون السراجه
 
بغيت أوقف بتملّى حلاياه
فكرت للوقفه عليّه سماجه
 
واقفيت منه واتوجد بلاماه
والقلب دايم في سنعهم حناجه
 
ليته على فرقاي مثلي لفرقاه
وان قلبه مثلي مردمٍ بالخلاجه
 
سمح القدم صعبٍ عليه موافاه
وانا استحي لاجيه من غير حاجه
 
لطف الحشا ياليتني من دناياه
واحيّره من دون كل اللجاجه
 
الشاعر / عبدالعزيز احمد الزيد (الكويتي)
© 2024 - موقع الشعر