الا يامرحباً و اهلين

الا يا مرحباٍ و اهلين
بغزلانٍ لفو للعين
اثنين وفي ضحى الاثنين
(علينا سيّروا يمشون)
 
فتاتين وبنات العم
يسموني وأنا منسم
وأنا من قبلهم مهتم
(وهم لي دايمٍ يطرون)
 
ازيون وزينهم ما احلاه
عليهم آه وايلاه
ابصبر و الصبر ما اقواه
(بلوني جعلهم يبلون)
 
زيون وزينهم مشهور
لهم قبله وملح ونور
عليهم من بنات الحور
(دلايل بالحسن واللون)
 
زيون وزينهم فضاح
عفيفات العفر وصحاح
وقبلي قبلهم ما ارتاح
(ولا له شف في مزيون)
 
واسمعوا وافهموا ياناس
علومٍ فصلت بقياس
ترا مبنىً بليا ساس
(خطر يا ساكنين الهون)
 
واسمعوا وافهموا ماقال
اديبٍ يرسم الأمثال
عنولي طيبات الفال
(خصوم و فعلهم مشيون)
 
وقالو لي علينا غن
وحن بك محسنين الظن
تفنن كان تبغى فن
(وحنا منك نبغى فنون)
 
وقلت لكم عليكم عيب
أشياه وتامنون الذيب
ولو بي بياض الشيب
(لاكان زهابكم مطحون)