حـبـة العـيـد

آه وأسهر عيني و الخلايق ارقودي
من جراله سواتي ما هتنى بالمباتي

ما بحث علمي الخافي وبيّح سدودي
كود غروٍ نهار العيد عقب الصلاتي

يوم رحت ابا اعيّد ع الغزال العنودي
ذار مني نظر عيني و لبس العباتي

قلت عيدك مبارك قال عيدك يعودي
قلت ماشي غيره قال لا ياغناتي

قلت ما ينبغا منك الجفا يا ودودي
يا لطيف الحشا عذبتني في حياتي

يا دقيق المعنق يا صغير النهودي
حبة العيد سنه لا تخيّب شفاتي

قال أنا لو احبك ثم يدري حسودي
راح يمشي ويخبر بي جميع البراتي

قلت يرضيك بالله كان تقبل عهودي
ما حدٍ فيك يعلم يا حسين الصفاتي

وقال لي يالكويتي لا تجي بالنكودي
ودي ارضيك مير اخشى شمات العاداتي

اه يانور عيني يا خليفة جدودي
ما تداوي جروحٍ بالحشا ماكناتي

يا ثقيل الردايف يا خنين الجعودي
جعل يبلاك ربي بالموده سواتي

اه واسعد من يلوي عليه العضودي
ثم يرشف شفاته كن فيها نباتي

والختم يا وجودي بالغضي ياوجودي
ياوجودي على لاماه قبل المماتي

ش / سعود الكويتي رحمه الله