حلت الفرقا - سعود بن عبدالعزيز الزيد

حلت الفرقا و دمع العين هلي
والصبر من ضيقته بيّح كنينه
 
واقطعوا زين الحلايا من محلي
والقطيعة خصلةٍ ماهي بزينه
 
لابغيت ازور خلي ما حصلي
حالوا الحساد ما بيني و بينه
 
آه انا يا ونتي ماحدٍ فطن لي
كن ينّس بالحشا مثل المكينه
 
يأهل المعروف مروا بي على اللي
مالك قلبي وعقلي في يمينه
 
جعل يسقى يوم انا جيته مفلي
ليت عصر اللي مضى ترجع سنينه
 
يا حلو يا ترف يا مدلول قلي
كل ما تطلب علينا حاضرينه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر