الله كم في داخل النفس حسرات

الله كم في داخل النفس حسرات
عجزت اعالجها وراحت حسايف

تمضي بنا الدنيا على درب الاهات
وياللاسف مامن امور طرايف

ياللاسف بخلت علينا المسرات
والوضع كل ماله يزيد الكلايف

الوضع مابه غير غم ولوعات
مزري وعلى قلبي همومه ردايف

ماعاد نرجي صاحب للملمات
كل ونفسه وماعدى ذاك زايف

ان طعتني ياقلب خف التنهات
واصبر وخلك دايم الدوم نايف

اصبر ولاتبدي على الخلق شرهات
وخلك على ماقيل شايف وعايف