رثاء في محمد بن عيد الجروي القحطاني - سعود الفطيماني

رثاء في الاخ العزيز محمد بن عيد الجروي القحطاني
جتني رسالة ضيقة صدري اليوم
وانا على مفرق رماح لحالي
الموت يجزع منه خادم ومخدوم
والموت فقد للي يهز الجبالي
ليته خذ للي فالمواجيب مذموم
كان الخبر ماعكر اليوم بالي
الله يبيحك يامحمد ومرحوم
للي مع أصحابه شراب زلالي
ابكيك يامحمد وتبكي لك القوم
شفنا السخا وحلو النبا والقبالي
ياموت لو شاورتنا مير مقسوم
والحي لو عمر قفاه الزوالي
ابتصبر والعزا فيه ملزوم
والحمد الله يوم جاله عيالي
وكبدي للي كن في وسطها ثوم
ابكي على من كان صدره شمالي
 
سعود الفطيماني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر