من الفرقاء دهاني مادهى صدام بعد عدي - سليمان بن بلال

من الفرقاء دهاني مادهى صدام بعد عدي
مع مر الفراق اخذ العراق وطاحت الرايه

وصدام بطوليته واشراره ماهي بشوي
لكن الكثر ضد للشجاعه فعل وروايه

وانا خايف من المشروه ولا فالظماير شي
أبا اقوله وابا اصارحك به يامنتهى الغايه

ابا التوبه ولكن ويش اسوي بالظمير الحي
عليك الله صارحني ومثلك وارد ٍ رايه

مجاريح الهوى أعرفهم بنسيان المحبه عي
يلذلها الشقا وتعيش قناصه ورمايه

وينقدهم غليظ القلب ومتابع غبيط الفي
ومن لاحب ماكره الهوان ولا ارشد التايه

هوى العذري بقايا اطلال وشروطه ثلاث وهي
غلا يبنى على مبدا شرف واخلاق ودرايه

ماهو حب بدا بالنت والبلتوث بطرف حي
بلا شرهه على عادل0 ولا ورده0 ولا مايه

علاقات تراوح بين جاكرتا واهل دلهي
تسمى ذات حريه بدون شروط وبدايه

محبة مش حالك ماتبى قاضي ولا منهي
من اول شيء لاخر شيء رجليه ومطايه

يارجل احفظ حياك وقل لبنت الناس تنتبهي
عسى للمسلمين من الفساد دروع ووقايه

يقولون الوقايه طب ولا اتلا العلاج الكي
علام الناس قبل الكي ماتحتاط بعنايه

طرالي شيء غير اللي جرالي من محبة مي
طلبت الله يعوضني ثبات ونور وهدايه

واسال الله يعفو عن خطا هذا وذيك وذي
مادام الله رزقني خمس واعرف داي ودوايه

وهذي سالفه قلنا بها من كل شيء شي
وعسى للمسلمين من الفساد ادروع ووقايه

© 2022 - موقع الشعر