الى عدي " ولدي " - عبدالعزيز الحارثي

كيف الزمن داير وعيا يجودِ
كنه عدوٍ لي مقصور يمناه
تظلم بك الدنيا وعتمه تسودِ
حتى لذيذ النوم ماعاد تهناه
والحظ لو أقفا ترى ما يعودِ
كنه سراب الماء هاني بلياه
الدهر يثني كل صلبٍ عنودِ
ويعيث بالأرواح هم ومعاناه
أوصيك بالقرناس صاحب يذودِ
وأما رخوم القوم لابد تقفاه
ما باعني قرمٍ ليا جف عودي
ولا انتفض عني لا قلت له آه
المرجلة ماهي سعة ضحك وردودِ
المرجله ميقاف ولونار تصلاه
والعز عز العين ولابه ركودِ
عزي لمن عينه تكسر بذي جاه
لا تنتخي هزلن ثَعَل ما يفودِ
الماش خله حشا لا يوم تنخاه
واشره على مسبل يمينه رشودِ
منهو رفع راسك العين ترجاه
الطيب يغلب نيه الشر الحسودِ
أما الخسا يورث بنفسك وتشقاه
واحذر من الخوان ما بيه فودِ
لا تلفت يمه وشره توقاه
راعي الوفا يشريك وسط الرعودِ
يا زين فزعاته ويا زين ملفاه
ما بعد جود الله حيٍ يجودِ
موزع الأرزاق للخلق ملجاه
والختم سلم لمن للشفاعة يقودِ
تاجي رسول الله والروح تفداه
© 2024 - موقع الشعر