الي سعادة د/اللواءعبدالعزيز العبيكان - هايف العطاوي

الي سعادة د/اللواءعبدالعزيز العبيكان
نسلام ياعبد العزيز العبيكان

شكر ووفا ليسا وسيله لغايه
دكتور علم وله مكانه واله شان

والخير من كفه وفعله ورايه
بيت الكريم مشرعٍ كنه ديوان

اسمه يليق لكل جودٍ كنايه
يمناه مثل الخير تحيابها اوطان

مبدا بداية جود ماله نهايه
مواقفه فيما بذل خير عنوان

بشت الكرم كاسيه مثل الحمايه
اديب علم ووقفته وقفت حصان

هذا الصحيح وكب راع الدعايه
العلم اشاره وانت للطيب ميزان

والساس ميزانٍ لساس البنايه
الله يكتب لك بحسناه غفران

في مابذل جهده بحسن ورعايه
مسيرته تبقى للاجيال برهان

لو جيت ابا اشرحها تطول الحكايه
يبقى القلم ولسان راعيه عطشان

والمدح ماوفا سيرتك بالكفايه
كفه شبيه الوبل من غر المزان

في ذكره الراوي يعشق الروايه
والعلم مثل النور من زينه زان

وجود الغريزه غير جود الهوايه
(الشاعر/هايف العطاوي

© 2024 - موقع الشعر