ما هي. بخيره

لـ مفلح نجم، ، في الرثاء، آخر تحديث

ما هي. بخيره - مفلح نجم

لاتستفز الشوق ياشوق مغليه
يامستحل قلوب نص الجزيره

البارحه فزيت والطرق اغنيه
والعالم الله يوم فزيت غِيره

واجُر. صوت الموت واسري والاحية
واسقي من دموع الوجع كل ديرة

واطيح من قمة عنادي واناديه
واحلف له ان الامر مافيه خِيِرَه

ياكيف خيره والصَّبِر قام يبكيه
واعطى جيوش الياس كل الذخيره

ياكيف خيره والعمر كل ماضيه
معْ حاضره محسوم قصة مصيره

ياكيف خيره كل ماجيت اسليه
م الْقى يكود الذكريات المريره

اللي من اول ل اجل عينه تهنيه
ماكنها الا موكبٍ. زف اميره

ياكيف خيره لا كتبت الشِّعِر فيه
واهِدْ وابني ل اجل شعري يثيره

والقي له بصوتي وعيني تراعيه
بالذات لامن قال. هذي خطيره

ومن كثر ماهو مُعْجَب الشّطر ينهيه
كنه يقول احساسك اعرف مسيره

واليوم انا والشعر. والشوق نرثيه
ونحلف ثلاث ايْمَان ...ماهي بخِيِرَه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر