قصيده على بحر الهلالي العرج

لـ حمود بن مشعل الهاجري، ، في الحكمه والنصح، آخر تحديث

قصيده على بحر الهلالي العرج - حمود بن مشعل الهاجري

افكارنا جابت سحاب ثقيل
واليا استهل الغيم جتك تسيل

من شاعرن يختار وزن لقصايده
اجمل قوافيها وطرق جزيل

بعطيك ياللي تستمع لي وصيتي
والعلم مايوخذ بدون دليل

هذي هي الدنيا ومعروف حالها
مهما تضيق ابك الحياة تزيل

لاصرت متعافي وصحتك طيبه
وغيرك مرقد بالسرير عليل

ارفع يديك لخالقك دوم واشكره
ربك على كل العبيد وكيل

وخوض الحياه ولا اتقلب بنيتك
كلن بهالدنيا يجيه مثيل

وحاول على ماقيل سدد وقارب
كم واحدن معها يروح يميل

واحفظ صلاتك في جماعه بمسجدك
تنجيك يوم انه عملك يكيل

والصدق فن الصدق ينجي بصاحبه
دايم ترا للصادقين سبيل

واحذر من الغيبه ترا النار تلتهب
وش لك بهرجن بين قال وقيل

والناس ماهي بضامنه في حياتها
كلن على الحفره يصير نزيل

يالله عساني انتفع في نصايحي
ويعم نفعه بين جيل وجيل

وتجعل ثوابه يا الهي مرد لي
يوم القيامه لي معاي حصيل

© 2024 - موقع الشعر