ليا كبر مخلابه نسى فعل مخلابي

لـ سعود الفطيماني، ، في العتب والفراق، آخر تحديث

ليا كبر مخلابه نسى فعل مخلابي - سعود الفطيماني

رفيق يغيب شهور مايرفع الجوال
وهو قبل ذالك كل يوم على بابي

يبيع الصداقه من عشقها عشان المال
ليا كبر مخلابه نسى فعل مخلابي

عسا وادي يبطي وهو ماذكر قد سال
يسوق المزن وينبت من العشب ماطابي

يرد الحيا لبيوت من للعرب مدهال
مقر الرفاقه والجماعه ولأجنابي

زمان على الأجواد مر وغثاوي بال
وضيقات منه شاب راسه والأهدابي

ولكن مقامك يالسنافي ترى لازال
يقدرك منهو عارف طيب الأنسابي

يضدك غشيم في حياته بلي بخلال
وتعجب من الهامش ينادى بالالقابي

الفطيماني
© 2024 - موقع الشعر