نويت الرحيل

لـ سليمان بركات الشاردي، ، بواسطة سليمان الشاردي، في الرثاء، 55، آخر تحديث

نويت الرحيل - سليمان بركات الشاردي

سلامٍ على الدنيا وأهلها بعد فرقاه
سلامٍ على باقي امانيّ مجموعة

الا وا عذابي واردف الآه بعد الآه
بعد عين من روحي غدت فيه مفجوعة

بعد عين من راح وتركني أسير اشياه
وريحه اشمه في ملابسه مطبوعة

جمعت وحزمت اشياءه اللي ترك ذكراه
وسط شنطة احزاني مع الجرح واللوعه

ونويت الرحيل ابعد من العالم ودنياه
نويت الرحيل ارضٍ من الناس مقطوعة

الا يا وجودي وجد يبطي على لاماه
وجود السجين ولا درا ويش موضوعة

قضى عام في سجنه ولا ميّزو دعواه
جهل جرمه وعنه الزيارات ممنوعة

والا وجد حالي وجد من عجزوا مداواه
طريح الفراش ويحتري الموت ونزوعة

على من خذته أقدار ربي إلى مثواه
وروّح مراحٍ حط قلبي من اضلوعه

ملا خافقي حب وترك خافقي يضماه
ترك خافقي والروح تضماه وتجوعه

عجزت آتسلى غير في ذكره وطرياه
وجفني لهذا اليوم ما جفّت دموعه

لو ان البكا يجلب على خافقي مضناه
بكيت العمر لكن رجعته مجبوعه

انا لا بغيت اسلاه وإلّا بغيت انساه
طيوفه تغايالي واعوّد لماضوعه

لكني بعيش اجدد الجرح مع ذكراه
ولا ابغى يخف الجرح والحزن واللوعه

سلامٍ على الدنيا وأهلها بعد فرقاه
سلامٍ على باقي امانيّ مجموعة

سليمان الشاردي
© 2024 - موقع الشعر