صدر الشمالي - سعد العبدالهادي

صدر الشمالي مع براحة صدرك
ما عاد لك اي متسع في صدري

ذاك الغرير اللي وقف منتظرك
خيبت ظن نداه لك لو تدري

ضاق الصدر والضحكه اللي خبرك
مهيب ذيك الضحكه اللي خبري

دن الهشيم اللي بقى في نجرك
وش فود حب ما يجبر كسري

يا غايب والناس ماهي تدرك
حنيت وشفوفك سرت من بدري

ليلي طويل وخاطري يحتضرك
وتجهز عليه الذكريات وصبري

زمانك اللي عشت به في صغرك
مات اغلب ايامه معي في كبري

ردد نداء المعتصم في سرك
وضع الأوادم في زمنا مزري

الشوق يوقد في الخفوق وحرك
جرح تدامى جرته لي قبري

وذاك الغرير اللي وقف منتظرك
اقفى وخلى هالحطام بصدري

© 2024 - موقع الشعر