اليا حصل في وصل صاحبك تقصير - خليل بن هدلان

اليا حصل في وصل صاحبك تقصير
‏ حذرى تلومه قبل تعرف علومه

‏ فسر غيابه بالظنون المغاتير
والخلق باقدار الحكيم محكومه

يمكن خويك مانعته المقادير
جا له لزومٍ وانشغل في لزومه

ترى الزمن بظروفه العسره يغير
ما فيه نفسٍ من شقاه معصومه

وكانه عزيزٍ من رجالٍ بهم خير
وعلى المراجل يدفعنه عزومه

اما اتصل به وانشده دون تاخير
ويعلمك في صدته ويش قومه

والا فدونه لا يردك معاذير
انصه واخذ منه العلوم محسومه

واليا عطاك لغيبته عنك تبرير
وعرفت مضمون السبب لا تلومه

ترى صداقات الوجيه المسافير
اللي لهم في جو الامداح حومه

تدوم في طيب ومعزه وتقدير
لا صار عن سو الظنون محشومه

© 2024 - موقع الشعر