اقوم صاحي

لاضاقت الدنيا مثل ثقب الابره
ياصبر خيط الفتق و اقوم صاحي

لااقولها الا بعد تجريب خبره
لا قولها من عقب بارت جراحي

و تموت كلمه بس تعيش عبره
يبقا قصيدي هو سبايب نجاحي

وجه الزمن اوراقي شعري و حبره
دم الجروح و هاجسي و ماستباحي

ياشابرٍ حرفي ترى الحرف شبره
يغطي جناح الكون بكل النواحي

ياماخذ العبره ترى الناس غبره
و امشقلبين الجد فوق المزاحي

من علم الساحر هبره تدربره
و انا عرفت اسرار لاحي مالاحي

و النار كبري و شبت النار كبره
و انا لجل سري كفخت بجناحي

لمع السما الزرقا ادور لي دبره
و اظلم علي الليل و السد باحي

جيت الثريا و القمر صدت سبره
و اقفل باب الغير و اطلق صراحي

من طاح من عيني ابا اقول ثبره
كل من رقا لا العين بعدين طاحي

ماني من الي معطي القاف صبره
ان مات الرياحي عاش غير الرياحي

ابريت قلبي منه و القلب ابره
من صاحبٍ صد و تغلا و راحي

و يلقي بعد ما راح ليل يحبره
و القا بعد ماراح شمس الصباحي

لوني انا الي من اول ٍ كان يخبره
ما كان قلبي من عناه استراحي

همدت صرح الشوق و بنيت قبره
فارتاح بالي من بقايا جراحي