المجد اشوفه واضح في حياتك

ياخوي يوم أنصحك أبغي نجاتك
خوف من المنقود خوف من الضيق

لانك عزيز وكل طيب صفاتك
وحبك يابو جمعان باقصى المعاليق

ضيقتني ومحد يسوي سواتك
وانا اداري خاطرك لايجي الضيق

ياسعد تضمن قومتك من مباتك
والله من نايم على المقبرة سيق

امسك لسانك واذكر الله ووصاتك
في والدينك بر وتلقى التوافيق

والنفس صنها عزها هي غناتك
كم من حشيم محترم يابس الريق

المجد اشوفه واضح في حياتك
وأشوف مقامك في عيون المخاليق

أزرع وبعد كم عام تحصد نباتك
وتاطى على الحاسد وناس مطافيق

ارسم طموحك يجمع الله شتاتك
وصلى الفروض وأدع وعينك مغاريق

الله اذا حبك بتلقى نجاتك
ويفتح لك الابواب لو هي مغاليق

سعود الفطيماني