لا تعتـذر عقب الذي صــــــــــار - حمد مبارك العامري

لا تعتذر عقب الذي صار
عفتك وعاف القلب طاريك

ماكنت متوقع ياغدار
اتبيع من بالود شاريك

ماعاد لك فالقلب تذكار
لا ترتجي في يوم باجيك

وين العهود وذيك لأشعار
خيبت ضني والرجى فيك

جازيتني بالصد غدار
بعد القلب ماصار في يديك

وشمت بيه كل ثرثار
حطمتني ربي يجازيك

ماعاد لك بالعون اعذار
عندي ولا شوق ٍ يناديك

أسمك محيته وكل لأسرار
من خافقي ولا شي يعنيك

ولالك بعد حشمه ومقدار
عقب الغلا ارخصت مابيك

ابعد ودور لك على دار
مالك أمل ارجع واصافيك

© 2024 - موقع الشعر