حلم وسفر

لك في خفوق الشعر نبض وسلام
أكتب زلال الحب شوق وشعر

يا جارحي ما انزاح عني الظلام
في غيبتك عيني سجَنْها السهر

شفت النجوم اللي طمسها الغمام
كذا أخيل الوصْل مثل المطر

تمسح دموع الصبر يد الغرام
تمر ذكرى بين شوق ونظر

مسرح وَلَه وبْوسط ذاك الزحام
بين الليالي كان ضي القمر

استرسل العاشق دموعه ملام
كل ما خفوقه من هواها انكسر

للقلب بسمة خلف حزنه كلام
والشوق يكشف كل شي انستر

فصل الرواية قد مضى منه عام
والمقبل من العمر حلم وسفر