قالوا الكلمـة الجزلـه

قالوا الكلمة الجزله وقلنا صحيح
اللسان يغرفها من قلوب الرجال

وقالوا ان الغناه ابعد ليد الشحيح
من جفاف البحر والا انعدام الظلال

لو الاشوار بيدك يا اللسان الفصيح
ما يجي في بعض الاحوال عدل وميال

ضايع الفكر لا ضيع شبابه يصيح
لا تجمل ولا مكسب ولا راس مال

كان ما في ضعون البدو دّر منيح
وش يسوون لا جت معسرات الليال

من رزق مريم العذرا بعيسى المسيح
يرزق اللي سعى بالخير مال وعيال

ما يشيل الحمول اللي يقوم ويطيح
ما يشيل الحمول الا ظهور الجمال

دام عندي دوا داويت قلب الجريح
ما شبع من حشايش الارض غير الحلال

لو مال القصيبي كثر مال الجميح
ما منعهم من النصبا وقبر (ن)هيال

ما يهم اتمتع ما يهم استريح
المهم اكسب الطالات لاجا مجال