سبع الجموع - مبارك الاسلمي الاسلمي

ياشيخ والله هقوتي بك كبيره
وطيبك ماهو والله تصنع وخيبه

انت الذي مبدأ الكلام وعبيره
وانت الذي يمناك تصخى بطيبه

واعدتني والحر يعجب مطيره
ولا ظنتي لاقلت كلمه تعيبه

ذاخرك يامحزم سيوفٍ شطيره
ياتاج راسي ماعلى الوقت شيبه

سيف ن نسله باللقى من جفيره
على الشدايد له مضارب عطيبه

جدك وأبوك اهل الوجيه السفيره
تاريخهم معروف عزه وهيبه

شيخ الجموع اللي تعد المسيره
سبع الجموع وللمراجل نصيبه

ما يعجزك شي ن بدينك تديره
ولا ظنتي به شي تقدر تهيبه

شجاع ماهبت الصعب والعسيره
يمناك لفعول الصعايب قريبه

© 2023 - موقع الشعر