سوبر بابا

لـ ، ، في الرثاء

المنسابة: مدح أب بطل ألقى بنفسه تحت القطار لإنفاذ بنته التي سقطت على القضبان

وأنا واقف على الشريط
فجاة طارت حلم عمري
قطر جاي وصوته عالي
جاي يقتل جاي يجري
ليه بس سبتي إيديا
وإزاي أرجع وإيدي فاضية
دأنتي بنتي ونور عنيى
موتك ليّ ضربة قاضية
ولو رجعت البيت لوحدي
وسألت أمك إنتي فين
أقول ماتت وماكنش قصدي
وهندفن بنت السنين؟
لا يا غالية مش هسيبك
لوحدك تحت المعصرة
إنتي بنتي وأنا حبيبك
لو حتى جثة في مقبرة
أغطيكي بدمي ولحمي
وماشوفكيش تتوجعي
وان كان لازم في حد يمشي
فأنا أمشي وإنتي ترجعي
وأوعي يا حبيبتي تحزني
وبدموعك تعذبيني
بفخر رأسك ترفعي
وتقولي أبويا مات حاميني
وحتى لو متنا سوا
هنموت وإنتي جوه قلبي
ثواني وهتعدي هوا
ونكون هناك وإنتي في حضني
إزاي بس يا بنتي أشوفك
تحت العجل بتنتهي
إزاي هتنسي ودني صوتك
وإنتي من خوفك تصرخي
فاكرة أما كنتي بتمرضي
بسخونة أو حبة زكام
كات ليلتي جنبك تتقضي
وعمري ما بسيبك وأنام
عايزاني إزاي أقدر أشوف
عمرك قدامي ينتهي
ده لو بدل القطر ألوف
فداكي اسمي يتمحي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر