هفضل أحاول مهماً كان

لـ ، ، في الحكمه والنصح

المنسابة: تحفيز الذات وقت الأحباط

هفضل أحاول مهماً كان
طول مانا لسة فيا الروح
طول مانا عايش فيا طموح
لازم وبقدر الإمكان
أبداً ما أنسى إن أنا إنسان
ممكن يضعف بس هيعرف
يبني يعلي يكون فنان
قالوا زمان الفن جنان
هيصة وزحمة ومورستان
ضيع خلق كتير علشان
حاولت بس تلاقي مكان
بس هقولك كلمة خلاصة
فكر فيها وبإمعان
عارف لو جواك موهوب
موهوب فعلاً وبإتقان
مهما في يوم هتحاول تهرب
منها هتبقي كالغليان
حاجة جواك من فين ما تروح
دايماً رادة فيك الروح
يمكن شعر يمكن نثر
يمكن صوت حلو وألحان
وأوعى تقول أنا مش موهوب
دايماً فاشل كل زمان
وأبعد عن محبط بيقولك
إن إنت أفشل إنسان
حاول عافر قد ما تقدر
عمر نجاحك يجي بسهولة
لازم تتعب لازم تصبر
مهما فشلت المرة الأولى
عارف سر نجاحك فين
لما تبطل استهتار
تشقي وتتعب حتى سنين
سر نجاحك الاستمرار
حتى إن قالوا عليك مجنون
ضايع وقتك ليل نهار
حتى إن ضدك كل الكون
لو في البيت دلعك يا حمار
عارف زي نقطة مايه
ضعيفة ما بتعمل تأثير
مع استمرارها فوق الصخر
تفتت حجره بدون تكسير
حتى ان كنت كمان مش شاطر
مش عبقري ذو عقل فطين
الشاطر مش دايماً قادر
يوصل ويكون من الناجحين
في قصة قالهولنا زمان
سلحفاه عايزة تسبق أرنب
والأرنب هو الخسران
لما السلحفاة فضلت تتعب
شوفت أنا ناس سموها قعيدة
وبيعمل شغل كأنه سليم
واحد طوله طول الحيطة
ومايخشش جيبه ولا مليم
بس كمان أنا عايزك تعرف
مش بالسهل هتمشي طريق
الشئ الهادف دايماً يصعب
ولازم الغصب عليه بتدقيق
مع استمرارك كله بيسهل
وتغير الصعب بشئ
بيه تستمتع وهتستسهل
عمله يكونلك خل رفيق

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر