وخانة الأيام - ناصر الجابر

وخانة الايام خفت هوى البال
مااشوف له مع رودالازوال ليحه

اخفت هواي وغيبت سيدالازوال
تبكيه عيني والضمايرتصيحه

ماتاصله جابه ولايجيه مرسال
ماغيرهمي بس نظم القريحه

اجيب من وجدي جديدات الامثال
واقول من قلبي جواب صريحه

اعلن بهاودي على راس ماطال
واطلع مشاعرمن خفوقي صحيحه

مايكذب العاشق لوالوقت به مال
واللي بقلبه من خفايايبيحه

ادله الخاطرعلى قدالاحوال
وانشق من الذارى هفاهيف ريحه

دمعي من عيوني غداتقل شلال
والحال ماهي من هواهاصليحه

حالي غدت من بعدكم يالغضي حال
وحتى الموازي ياحبيبي شحيحه

شحت علي ولالقينا بها جال
نلزي بظله عن هبوب وريحه

ماعندناحي ولاطابلي فال
ضاق الفضامافيه فج شريحه

كملي واناصابرعلى طقة الجال
غديت مثل اللي وقع في مطيحه

الحب قبلي حاش رجلي وخيال
وكم واحدللودغادي منيحه

تمنحه وده وخلاه يكتال
من صاع غبنه لين ياردضريحه

يامدمج الساقين زين التعزال
مااشوف لك مع رودالازوال ليحه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر