بنت الغجر - سعود بن مهدي

وش : حيلتي ؟؟ ياوقت ! .. علمني وتكسب بي اجر
ان كنت انا على خطا ,, او كنت انا على صواب

ليه الزمن ؟ ياخذ حقوقي وين هو ؟ ذاك الفجر
اللي انا في كل ليله .. انتظر منٌه جواب

الجاه مايعرف بشر .. والظل مايجحد شجر
والموت مايحسب عمر .. والعز مايحفظ كتاب

احد ٍ حكى بي بالقفا و ( احد ٍ غدر ) و ( احد ٍ هجر )
ناس ٍ ,, تدٌور لانكساري ..( يوم ) وتحسبه حساب

اصٌدق الايام وتكذب وان حلف حظي .. فجر
بالعين تشرق شمس واشوف القمر بالعين غاب

الين صار بداخلي .. شعور يملاه الضجر
مالوم نفسي .. لاثملت وصارت همومي شراب

لا رحت من بنت النٌور .. اعٌود لبنت الغجر
عذاااااا ب ,,, والموال يمشي والهوى كله ,,, عذاااب

ياسامعن صوتي .. الا منه وصل .. دق النجر
واسمع صداي وخل صوتي عقبها .. يطرد سراب

مهما تجٌملت وفعلت الطيب .. لاترجي اجر
المودمي .. ما يملا عينه بالزمن كود التراب

لو كل كلب ٍ لا نبح لقٌمت في حلقه حجر
بتخلٌص الاحجار عندي ولا سكت نبح الكلاب

© 2024 - موقع الشعر