ياهبـايـب ذعـذعـي صـوبـي .. وغـنـي ياحمـامـه

ياهبايب ذعذعي صوبي .. وغني ياحمامه
( القريحه ) فايضه .. مافيه شي ٍ ماطرالي

كل حر ٍ فوق حر .. وكل هامه فوق هامه
لا على هذي خلاف ! ولا على هذي جدالي

مالتفت الا !! لرجال ٍ مقامي من مقامه
واتجاهل كلمة ( الجاهل ) .. ولا القيه بالي

لا انشدوا : من أنت منه ؟ .. قلت : من ربع الزعامه
(( صالحي )) وجدي (( سعود بن مهدي )) ذرب الخصالي

نركب ( حصان الفخر ) والعز مانرخي لجامه
ولا انشدوني : من خوالك ؟؟ .. قلت : يالبى خوااالي

قلت : جدي ,, راعي الملحا ,, مطٌوع كل قامه
وقلت : خالي مسندي .. يااااااااجعلني فدوه لخالي

من صوالح .. فعلهم وقت اللقا .. ثاير عسامه
هم حزامي .. وعزوتي .. ودمي .. وربحي .. وراس مالي

لابتي يا ( راس نسل عجيم ) يازحول القرامه
لابتي يا ( مقدم آل معيض ) في سود الليالي

يكفي أأنا لاذكرنا * بالجمل * قالوا : سنامه
والزمن يشهد ؟؟ ولايجحد كريمين السبالي

ماخذينا العز من ( رفع المناخر ) و ( الفخامه )
ماخذينه ( بالسيوف ) اللي على ( رقاب الرجالي )

ياضنا مرزوق .. كم رايه تهاوت في تهامه
ياسلاطين الديار ... وياشياطين المعالي

ايه والعجمان بالتاريخ كم حطوا علامه
؟طروا بطون الملوك .. وطمنوا راس الموالي

ياسلايل يام .. ياسيل ٍ يطم اكبر عدامه
ياشيوخ ٍ .. شايخين .. مشيخين أول وتالي

من حمى ؟ ( بيض الحباري ) جاه من يجلي ظلامه
ومن غدر في كلمته ؟ ... عيُن بها ضو ٍ تصالي

والعرب كل ٍ خذا حقه .. وله صيت وشهامه
وكلنا من (( آدم وحوى )) .. والجواب ! أم السؤالي ؟

أتنومس وأفتخر في ذكر جدي .. ياهلامه
ولا أنت .. كفو ٍ يا ( قليل الرابعه )) .. تشرب دلالي

الله أكبر !! يازمان ٍ .. صار & مطمع & للنعامه
راسها تحت الرمل .. واليوم ؟؟ .. تطمع بالعلالي

كنت أقول : المحترم ؟ .. يفرض على الناس احترامه
وصرت أشوف : أن الدراهم ؟ .. حشمة الرجل المثالي

مؤمن بالله رب الخلق .. لي يوم القيامه
اطلب الله الهدى .. وأقضي بطاعته انشغالي

الصلاه الزم فروض المؤمن .. و ( راس اهتمامه )
كنها عجوز تدعي : ياعوالي ياعوالي !!

النظر ؟ ضيٌع بصيرة شوف .. ( زرقاء اليمامه )
والعفو ؟؟ كان السبب ؟ في موت ( ابو زيد الهلالي )

والرفيق ؟ اللي لسانه .. مايثمٌن في كلامه ؟
أن : حكى ! يا ( وسع صدري ) وأن : سكت ! يا ( طول بالي )

لاتلوم اللي أنغبن ؟؟ .. من (( طعنة ٍ جت بالكرامه ))
وأعرف أن .. جرح الكريم ؟ / أن جا من .. أردى الناس ؟ ((( غالي )))

لاقسى فيني الزمان ؟ .. وضاق صدري من عظامه !
افزع ( بضيقة جنوبي ) ,, وأصبر ( بصدر ٍ شمالي )

علمتني دنيتي ( حكمه ) .. غدت بالخد شامه
ودك الرجال !! .. في بعض المواقف مايبالي

المعزه / بالعزاوي .. والأشاره / بالفهامه
وعلتي ؟ من قرد حظي ! .. ومشتريها من حلالي

يالهنوف .. أم ( المزاج الصعب ) وين ؟؟ القى السلامه
لاشفيتي جرح قلبي ؟ .. ولاتركتيني لحالي

انا قومي !! أن ( قلبي أن حب ) ؟ .. يسرف في هيامه
وأنتي قومش يوم مالش في ( قصور الحب ) والي

جعل منهو .. لا تلثم لي .. عرفته من لثامه !!
يبطي وعمره طويل .. وأبطي وزوله قبالي

ما علي امن ( الملام ) ولا عليه امن ( الملامه )
لاني بلاقي ( مثيله ) ,, ولا هو مدُور ( بدالي )

ماذبحني غير ( دمعه ) ! .. جات من عقب ( ابتسامه )
ولاقهرني غير شي ٍ شفت !! .. عمره ماطرالي ؟

يا هبايب ذعذعي صوبي ,, وغني يا حمامه
الندم مافاد مخطي ؟ ,,, والبكى مارد غالي ؟