الأم حايل

لـ ، ، في الغزل والوصف، آخر تحديث :

المنسابة: من ما لها مكانة وعشق لثراها الذي احتواني وكمسقط رأسي

سميت باللي نرفع الكف يمه
قدام ما نبدا ببدع المثايل

يا رادعن عبده جلا كل غمه
وخلا طريقه عقب عسره سهايل

عشاق والعشاق و كبر همه
والعشق يرمي صاحبه بالحبايل

لكن عشقي فيه سرٍ وذمه
عشقي شريفٍ مثل عشق الأوايل

عشيقتي دمي تراكب لدمه
دمي ودمه يجتمع بالفصايل

مابي عنه بديل من كل الأمه
لو خيروني مابغيت البدايل

متى الولي شملي وشمله يلمه
ياقادرن تشفى القلوب الغلايل

ريحة عشيري مع هبوبك نشمه
تجيبها يمي هبوب الشمايل

يا قايلينٍ وين داره وسمه
يمكن نعينك كان فيها عقايل

عشيقتي بجبال طيٍ تضمه
عروسة الشمال والاسم حايل

ياقلت حايل عدّي اقول يمه
وياقلت يمه عدّي اقول حايل

ولو اقتدر رمله وضلعه لاضمه
داخل ضلوعي عن شموس القوايل

واشبك يديني من وراها واضمه
خمت جنين معكرشات الجدايل

حايل بعيني تعتلي كل قمه
واظن مثله بالمداين قلايل

حايل هلا تلقاه يا جيت يمه
من عهد حاتم والجدود الأوايل

من جاه عده بين خاله وعمه
بجوار شمر ما يحس الملايل

من غادره لظروف قدره يهمه
دايم يراسلها بأحر الرسايل

مثل صبي قحطان حبه بدمه
قلبه مسمر فوق برزان حايل

غنا بها ببيوت شعره واتمه
وراع الوفاء يوفي حقوق الحمايل

وراكان ابو حثلين عقب المهمه
من تركيا عنا ذلوله لحايل

حايل عسى وبل السحايب يطمه
سيلٍ على سيلٍ عن الدرب عايل

سيلٍ يحفر القاع ثمً يدمه
ياما تصير جبال حايل مغايل

وعقب الدهر يعود للبير جمه
ويسقي الغروس الهامدات الهمايل

ويضفي على كل البلاد ويعمه
من شرق الأردن اليا تهامة محايل

آمين يا منزل تبارك و عمه
نسألك فضلك ياوسيع الفضايل

وسلامتكم.. ٓ

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر