يا مرحبا اعداد ما هبت النود
واعداد ما هلت مزون ٍ هميله
من هاجس ٍ يقدح كما قدح بارود
اليا قدح زنده يشب الفتيله
في حب من قرنه على المتن مرجود
صغير ٍ في وسط قلبي مشيله
مكفن(ن) بين الحنايا وملحود
يزود بي حبه وزاد بغليله
الجيد ابه عقدٍ من الماس منضود
غريبةٍ مثل الكحيلا الاصيله
بنت الرجال اللي لهم شان بالجود
يوم ٍ ولد اللاش شح بحصيله
قلته وحبلي مع هل الطيب ممدود
الرزق ماهو في يدين ٍ بخيله
متمكن(ن) بي حبها زاد يا سعود
اودع بجاشي مثل حام المليله
والشعر له نهر(ن) وصدار وورود
وكلٍ حسب عرفه يكيل بمكيله
ما اقول فيه الخير والشر معقود
اقول عند اللي ينش المخيله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين