يـوم الأحـــد

يوم الاحد شفت أنا مدعوج الأعياني
شفته بوسط العرب يمشي علا هونه

قال السلام وعجز ينطق له الساني
يظيع فالهرج منهو ناظر عيونه

يقول لا تستمع في هرجة فلاني
تراه هرج(ن) علا الساني يقولونه

والله ما احب غيرك واحد(ن) ثاني
لو بيني وبينك العالم يحطونه

قلت انت فالحب لي نبظي وشرياني
وانت الذي في الحشا ما باح مكنونه

والله ما انسى عشير(ن) ما تناساني
حتى الكفن فوق جسمي لو يلفونه

ما انساك ما انساك يا مياس الارداني
في حبك الروح يا المزيون مرهونه

قال ابتعد عني لا يَشوفونك اخواني
معي ويا ويلي من اللي يسوونه

قلت اروني منك انا للحين عطشاني
اسق الذي حبكم وانتم تحبونه

ثم قال بعدين يا بن الناس تلقاني
في موقعن والخلايق ما يدلونه

و اقفو وانا قمت اجر الصوت بالالحاني
ربي يفرج على الولهان ولحونه

انخاك يا ابوغلا يا مزبن الجاني
الواحد اللي تولع انت له عونه

العلم ينصاك يومن جيت لك عاني
الغالي اقفى وحال البعد من دونه

والفكر من عقب خلي صار حيراني
والقلب من عقبهم اهتزت اركونه