لاتتعب النفس حتى تفهم العالفه! - حسن عامر

‎الوقفه الكالفه دايم صفات الرجال
‎دايم صفات الرجال الوقفه الكالفه

‎والذالفه من رفيقك ياكريم السبال
‎مادامها من رفيقك خلها ذالفه

‎واحذر من السالفه لاصار ماهي عدال
‎لاصار ماهي عدال احذرمن السالفه

‎الناس متخالفه في كل معنا وحال
‎هذي هي الناس في الاوضاع متخالفه

‎ماهيب متوالفه والعلم مابه اجدال
‎صعبه تجمع قلوب الناس متوالفه

‎لو كان متحالفه مابين عم وخال
‎تلقا اختلافاتها لو كان متحالفه

‎رتيبان مقعد السبيعي
والسلعه التالفه لوهو ثمنها ريال

غلطان من يشتري له سلعةٍ تالفه
وناسٍ كما العالفه محال تفهم محال

لاتتعب النفس حتى تفهم العالفه
ولكذب من يالفه يحمل حمول ثقال

والله مايرتقي بالكذب من يالفه
والصحبه البالفه لاتعتبرهم ظلال

غلطان من يعتزي بالصحبه البالفه
والكلمه الصالفه تشبه حدود السلال

كم بالمقابر قتيل الكلمه الصالفه
والحلف من حالفه يقبل على آيات حال

الله ومرنا قبول الحلف من حالفه
حسن عامرآل عيسى

© 2024 - موقع الشعر