ماني علا كيفك قول انت شتريد
ما جاك من مجنون ليله يا ليله
الموت ماهو من رصاص البواريد
الموت لا جينا كذا بالمسيله
تبرق وترعد صح بالعلم تاكيد
والبدو حوكم ياهل المزن خيله
هات القلم يازيد ماهي بتهديد
والله لا اخلي الدايرة مستطيله
هي هذي الدنيا دوس وتحاميد
والله حسيب العبد والله وكيله
نحن نحب الجمع و جينا مفاريد
والي جمعنا معك اب اية وسيله
عندي مقاصيدن وعندك مقاصيد
وكلن علا معناه يسري اب ليله
يازيد قل ل عبيد ياعبيد جا زيد
ابو الهلالي والمعاني المهيله
صدفه بلا ميعاد وأهل المواعيد
مدري تحط المن والا تشيله
جينا مساعيد ور حنا مسا عيد
الكل منا قام ينفض شليله
أعيد لك وقت ٍ تعدا ولي تعيد
طرب القصيد الصاملي لمن تكيله
تبين باخرها مع زيد وعبيد
والي يدور موت موته يجيله
ما در ياحاتم من الإبل لو ديد
والي يسويها و الاخر حصيله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.