مافهمتيني

ألا يا بنت يا زينة بنات اليوم يا القمره
ألا يا اللي خطفتي إعجاب من ذاتي عجبتيني

وأنا اللي طول عمره ما انفتن عمره ولا مرّه
ومن حقك تزيدي فخر يوم أنك فتنتيني

لأن قبلك بنات إكثار ما اعطيهن ولا نظره
وأنتي تحّمدي ربك مدام أنك جذبتيني

هويتك من صميم القلب وقلبي فاح بك عطره
وعطرك دوم ما يرحل ولو حتى هجرتيني

نثرت الورد أنا لجلك وسط قلبي وكم سرّه
وكل ما انثر ورودك صار قلبي حيل ونيّني

إلين تشوفك عيوني وترسل صورتك قمره
ويتغذّى بها قلبي ويهدى القلب يا عيني

نورك ثم بسمت ثغرك اللي كوّن الحمره
وخصلت شعرك اللي مال نسّتني عناويني

وشامة خدك الأيسر تخض الحس وتجرّه
وخشمٍ سيف منسلٍ وسط بدرك يعنّيني

وعينٍ رمشها ظلَّل خدود البدر كم مرّه
وكحلٍ يرسمه رمشك بلا كحلٍ ذبحتيني

دعيجة عين تعجبني دليعة حال هالحرّه
وسيعة صدر لي قلت أنتي ما عمرك بهرتيني

ومرّه إزعلت مني لجل موقف بعد شرّه
تقول إنها إزعلت مني تقلّي كيف ترضيني

وقلت الحب حبيتك وقلبي لك فرش عمره
وأخذتي إعجاب ما قد شافته بنتٍ تواسيني

أنا ما زادت أغلاطي ولا أبغي أشعل الجمره
وإذا فكرك بتتغلّي ترى أنتي ما فهمتيني

أنا بخطة قلم يا بنت أجر الحلوْ كم جرّه
وبي عزّه تفوق الكون ولا أرضى حد يطويني

وإذا ودك أنا أرضيك دمعك أسهل بكبره
لا تتغّلي على أي شي إذا ودّك تحبيني

ولو ان السالفه تسوى وتسوى حيل يا درّه
بفكر أرسل أعذاري إذا ودٍّك تزوريني

واما اني أتعذّر بسبة رمسه محترّه
خيالٍ داعب رقادك خيالٍ ماله معيني

وعادت قمرتي صوبي تخالط دمعها العبره
وتحظني وتهتف حبك أنته حيل يحييني