بديع الجمــال

الا ياوجودي وجد من في غرامه تاه
وساعات حبه يرثي ايام ماضيها

على صاحب(ن) غالي تعذبت من فرقاه
ونفسي تذوق الويل من بعد غاليها

وانا اعوي كما ذيب(ن)يجر الونين عواه
وزلزل بصوته ثم قطع جر واديها

انا لي وليف(ن) عشت طول العمر لرظاه
وتسهر عيوني له ونفسي معنيها

بديع الجمال وظامر الخصر عذب حكاه
وله طلة(ن) نور القمر واظح(ن) فيها

وخده كما البراق واللي يخيل اشعاه
ونظرة عيونه سرمد الليل غاشيها

سقاني ويوم اروى ظميري غلاه اظماه
فقدته وخلا الروح للهم طاويها

والا يا (.....) رد من خصك بدعواه
وساق البيوت اللي وثوق مبانيها

نبي يالشلي لو منك بيت(ن) حلو نقراه
يريح عيون(ن) بعد الاحباب مشقيها