الريــاض

لـ حمد بن توزان، ، في الوطنيات، آخر تحديث

الريــاض - حمد بن توزان

سرى لارض الرياض أم المداين وبيت النور
سحاب(ن) من الوسمي تهامل به مزونه

مدينه عليها من شموخ الحظاره سور
تغطرس بهاها بالحسن زاهي(ن) لونه

وسلمانها حامي الحمى بالفخر مذكور
بناها عريب الجد وارسى بها حصونه

وتاريخها يذكر لنا الفارس المشهور
ابو تركي اللي للمظاهير يعزونه

ويرقد بها قصر الحكم شامخ(ن) معمور
ملاذ الدخيل وعز من لاذ بركونه

وفيها منارات الهدى من قديم عصور
تهادت وللتوحيد دعوات ميمونه

خذت من معايير الحظاره جمال قصور
وهي للعروبه حصن وقلاع مصيونه

مدينه حكت تاريخنا والزمان يدور
وهي الدرة اللي للوطن كنز مكنونة

جذبني هواها العذب وانا بها مسحور
تجيني نسايمها ولي نفس محنونه

© 2024 - موقع الشعر