أزمة اشواق - سعود السبيعي

ما قول ماتقدر تعيش الهوى فراق
تقدر ولكن في حدود انفعالك

لكن اذا حسيت في نار الأشواق
ترجع وكلك جرح يشكيه حالك

هجري ظلام ووصلي آمال واشراق
هجري حطب نارك وفوق احتمالك

ادري واعرفك زين توله وتشتاق
وانا مصيرك واتجاه ارتحالك

تقوى الصبر يومين وترد مشتاق
للي شغل قلبك وفكرك وبالك

صدقني الهجران والبعد حراق
كم مرة عتقت قلبي وجالك

عواطفي ومشاعري غصب تنساق
غصب ولا هو طيب تطلب وصالك

لو نختلف نبقى على العهد عشاق
مجرد اشكال يحله سؤالك

وارجع اقول المسأله أزمة اشواق
موجة غضب تنثرت فوق جالك

© 2024 - موقع الشعر