يا طيب خِلّي وطيب أصله !!

لـ فيصل الجابري، ، في الغزل والوصف، آخر تحديث

يا طيب خِلّي وطيب أصله !! - فيصل الجابري

يا طِيب خلّي وطِيب أصله
كامل مكمّل من الوجهين

إن كان شكله حلو شكله
ولا فيه مثله جمال وزين

وإن كان الأخلاق يا سهله
ليّن ويأخذ بدرب اللين

ويقدر يساير هل الهمله
ولا يحب يلعب على الحبلين

يفكّر ولكن على مهله
ما يعرف اللف بين أمرين

واضح ولا ينخدع غفله
ما يعترف باللي بين وبين

يا قوّ ما فيه من صمله
صامل إلى آخر الحدّين

ليّن كأنّه سهل أكله
وقاسي كأنّه حجر مع طين

إن هو سكت قلت من جهله
وإن هو نطق قلت عالم دين

إن قال جملة تجي جزله
كأنّها شفرة السكّين

طيّب ولا يقبل الختله
بالمختصر يجمع الضدين

ما عيبه إلا كثر بخله
كل ما طلبته يقول بعدين

أزعل وأبيّن له الزعله
وحدّ الزعل بيننا يومين

وأحيان أسبه وأسب أهله
ولا يمكن أرضى يصيبه شين

مثل اللي يدعو على نجله
ويزعل على اللي يقول آمين

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر