أنا مع العالم بعقلي تحكمت

انا مع العالم بعقلي تحكمت
تعاملي معهم بعقلي حكمته

دايم مع العقال لي حكمه وصمت
وراعي السكوت من الذهب قيل صمته

ولا اذكر اني مره بيوم خاصمت
جاهل ولا عمري بيوم(ن) خصمته

لو كل ماقابلت جاهل تحزمت
كن محزمي للجاهلين احتزمته

أملك ثقة واسلوب منه تعلمت
امشي طريقي في الحياة وعلمته

ومن السنين اللي مضت لي تفهمت
وحفظت درس من التجارب فهمته

طبع(ن) ورثته ورث وانا تلزّمت
في طبعي اللي من قديم(ن) لزمته

وريث مجد وفعل شيخ(ن) على ثبت
ثابت وأنا وثقته وزدت ثبته

ورث الجدود اللي لهم ماضي الوقت
عز وفخر يبقى ولو طال وقته

ح مد بن توزان ✍️