سلالة آل سعود - الملتاعة

من لايعرف الطيب ماثمن الطيب
والطيب شفته بالفعول الكريمه

اللي لهم بالطيب ساسٍ وتعريب
منذو خلق ربي سلاله عظيمه

سلالة آل سعود روس المعاطيب
حي الله اللي اذكارهم مستقيمه

شاهدت لي منظر يثير الاعاجيب
في زيارته لاحوال عيله سقيمه

عبد العزيز طب القلوب المعاطيب
ابن الفهد ربي بحفظه يديمه

متواضعٍ سمحٍ بشوش التراحيب
ياجعل ابوه في خلد جنه مقيمه

تواضعك ماهو تصنع وترغيب
الا تواضع فطرةٍ بك سليمه

والله لو يسمح لي الوقت تقريب
أني لصافح هاليدين الحميمه

لكن عليك درب الملاقا تصاعيب
حدي حروفٍ بالمشاعر نديمه

#كلمات_غزيل_سعد_الملتاعة
© 2024 - موقع الشعر