هذيل الاصيله. لـ الملتاعة

هذيل الاصيله - الملتاعة

سلام ياللي صيتهن يرفع الرأس
اللي نسبهن من هذيل الاصيله

افخربهن يوم الفخر حر نوماس
واذيعهن بالصيت ربع وقبيله

الراشدات العقل في كل مجلاس
الطاهرات بكل نفسِ نبيله

البارعات النصح مابين الاجناس
المذهلات اوصوف ماهي قليله

الجاذبات بحكيهن نظرة الناس
الشامخات بفعل واضح دليله

بنات عمي حبهن ماله قياس
فخر الشعر لانساق فيهن حصيله

جمع التعارف بالسعد عذب الاحساس
واسعد حظي من غلا ينتمي له

سعادتي فرحه ثمينات الالماس
في مطرحن فيه النسايم عليله

يابخت روح اللي غشت عينه انعاس
بديرة هل الجزلات واهل الفضيله

اللي لهم طيب الكرم ساس من ساس
اهذيل راعين الحمول الثقيله

متوارثين العز للعز نبراس
ربعي هل الطالات واهل الجزيله

كلمات: غزيل سعد_الملتاعة

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.