العيد جانا

العيد جانا .. و انت ما جيت للعيد
وشلون اعايد دون شوفك ياعيدي

كل عام و انت ِ اجمل الغيد يا غيد
وكل ما اشوفك ابقى دايم سعيدي

حبيت اهنيك بعباراتي . . . و ازيد
ودي إذا مريت حرفي . . . تعيدي

قصة غرامك ياهوى الروح تمجيد
تبقى حبيبي لك بقلبي .. و تزيدي

اعطيني فرصه اشرح احساس تجديد
ذاك الأمان اللي حقنت . . بوريدي

ويلك من المولى ترى هذا . . تهديد
ما عاد لي قدره . . . لهل من مزيدي

نار ٍ يميزها يا عمري مع . . . العيد
اللي نهار اعياده يشبه . . . . لعيدي