ورق أصفر

لـ توفيق رجاء الله الشماسي، ، في الغزل والوصف، 54، آخر تحديث

ورق أصفر - توفيق رجاء الله الشماسي

ورق أصفر سوالفنا  تهب الذاريه ويطيح
هدوء البارحه يحكي قناعه في خواطرنا
 
جمال الثلج يبهرنا بلونه وآخره  بيسيح
ولا يفرق متى نبكي لصارت من محاجرنا
 
غريبه نتفق نرحل .. مُهجنا داميه وتصيح
وغصن الورد يجرحنا وورداته تعطرنا !!
 
نكابر في مآسينا نقول الكون هذا افسيح
وكلن يهتني بغيره ! نبي نخدع ضمايرنا
 
كثر حجم الغلا فينا  ندور للغرام يزيح !
وحتى دمعنا يسقط وبه صورة مآثرنا !
 
دخيل الود في قلبك تعال نمارس التجريح
تعال نغيب فالموعد !  نقسّي شوي مشاعرنا
 
نجي في وقت متخالف ونوطى جمرة التبريح
وتفقدنا .. نجوم  .. أعوام كانت تسامرنا
مدام اوراقنا صفرا على مهياف تبغى تطيح
مذاق الموت هو نفسه ولو زانت مقابرنا
© 2024 - موقع الشعر