ناديت بأسمك

لـ متروك العنزي، ، في غير مصنف، آخر تحديث

ناديت بأسمك - متروك العنزي

ناديت بأسمك وانكسرحاجزالصمت
مرالخيال بصورتك يوم ناديت

شفتك وكنك يوم مريت سلمت
وفزيت لك واقف على الباب وأقفيت

فجئه توارت صورتك بعدماكنت
قدام عيني وانت بالقلب حليت

ليتي بصمتي ساكن ٍ ماتكلمت
بين السكون وليت يالعذب ماجيت

ليتك حقيقة جيت فيها وتمكنت
من شوفتك ياليت والله ياليت

لكن حتى بالخيال انت ساهمت
ليه الحقايق مالها عندكم صيت

عايش على عهد ٍ به أقسمت وأقسمت
انك بقلبي كل ما اصبحت وامسيت

© 2024 - موقع الشعر