احاكي صمتي الباكي - سعد مسهوج العلاطي

احاكي صمتي الباكي ..
واعاتبه مرات ,,
الملم ما بقى منه
واكفكف فيه دمعاتي,,
 
ابي ارسم صورتي..
ضحكة طفل !
رجعت امل
واعيش بكل حالاتي
 
ابي اركب الرياح بساط
وابي اسبح بالفضا حالم
ابي انسى يا بحر وارسى
واجدد فيك صفحاتي ,,
 
ابي اشعل امسي المدبر
وابي انسى وش يجي باكر
وابي احبس للزمن عبرة
ووفر لي عبراتي ,,
 
احاكي صمتي المجروح
واقول ان العمر واحد
يا روح ما بعدك روح
ابي اهنا واشتري ذاتي ,,
 
ابي ابني في الرمال بيوت
وابي اجمع حولي الاطفال
ابي اضحك للزمن لحظة
واعيش الحب لحظاتي ,,
 
تعبت ولا بقى فيني
بكيت ولا شكت عيني
حكيت ولا لقيت الا ...
كلاما يشبه سكاتي ,,

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر