سوالف ليل

لـ ياسر العثماني، ، في العتب والفراق، 113، آخر تحديث

سوالف ليل - ياسر العثماني

من دونك أسهر ما تهنيت  بالليل
أمشي وأعد خطاي والبال ضايق

ما سلى  خاطري  ولا عنك تبديل
إما  تجي معي أو ما عدت  رايق

هذي  سوالف  ليل  على  ما قيل
وإلا  نهاري  فيه  تشب  الحرايق

أشيل في جوفي من الشي الثقيل
اللي عجزت  أنساه  وأكون فايق

ياشين  البعد   والله  يهد  الحيل
ماترك  في  عيني  ولا شي  لايق

ياكود  أقوم   أجهز  البن  والهيل
يمكن أروق  عقب ما كنت ضايق

ياسهيل  وينك  بنشدك  يا سهيل
إن كان  شفت  لي  زين  الخلايق

قلها  مشتاق  وما عاد  بي  حيل
وكل مانويت أروح جتني عوايق

أحب معها الوقت وزين التعاليل
ومشتاق أضمها بصدري لو دقايق

الشوق  يحير  و ما  له أي  تأويل
في لمحة بصر يغير  شخص  فايق

© 2024 - موقع الشعر