يا ليل

ياليل ياليل الشقا والمعاناه
انا دخيلك فالسنين التوالي

عساه يسعد في حياته ودنياه
وتضحك له الدنيا سنينن طوالي

الي بقالي منه طيبه وذكراه
مازال في قلبي عزيزن وغالي

مشاعري باللوم ماهيب تقفاه
وان كانها تقفاه ياعزتالي

القلب بيته بالغلا دوم رباه
واليوم بيته يشكي الهجر خالي

ينشد عن المقفين ماشاف لاماه
شفقن على شوفه من اول وتالي

الله يسامحه ويسامح خطاياه
كانه برا قلبي وعجل بحالي

#مشعل_ال_شامر