الناس ماني بها مجبور
والنفس ماتشكي خضوعه

واللي دروبه ملكها الزور
مايدرك الحق بفزوعه

واللي نوى يبحث المستور
لا شك عزلاه منزوعه

الوضع من حادر لحادور
‎ولقيت من يقصر سموعه

ترى الذي طاح بالمحظور
لابد ما يجني زروعه

إن كان عقله غزته طيور
ويده شكت قاصر ٍ بوعه

قل له من الشامخه للغور
وكل ٍ تطابق على نوعه

اللي يعاند رزين الشور
عن السنع غرت اطبوعه

الحر في طلعته مخبور
حر ٍ وهدّته متبوعه

والا الرخم من قديم عصور
‎خبثه وكوده على ربوعه

محد ٍ بفعل الردى معذور
وماتبطي الناس مخدوعه


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر